யாழ்ப்பாணத்தின் நல்லூர் பிரதேசத்தில் கொக்குவில் கிராமம் அமைந்துள்ளது. சைவசமய அபிவிருத்திக்கும் வளர்ச்சிக்கும், சைவ முன்னோடியாக இக்கிராமத்தில் நந்தாவில் எனும் ஊரில் கற்புலத்து மனோன்மணி அம்மன் ஆலயம் அமைந்துள்ளது. இவ்வாலயம் இற்றைக்கு இருநூற்றைம்பது வருடம் பழமை வாய்ந்ததாகவும், பல வரலாற்றுச் சிறப்பம்சங்களைக் கொண்டதாகவும் காணப்படுகின்றது.

வரலாற்றுச் சிறப்புமிக்க இவ்வாலயத்தில் 1987 ஆம் ஆண்டு இந்திய இராணுவத்தினராலும், 1993ஆம் ஆண்டு சிறிலங்கா விமானப் படைகளாலும் மக்கள் படுகொலை செய்யபட்டனர்.

1987ஆம் ஆண்டு ஆவணி மாதம் காலை 8.00மணியளவில் ஆலயப் பகுதிக்கு சென்ற இந்திய இராணுவத்தினர் ஆலயத்தில் வழிபாட்டில் ஈடுபட்டுக்கொண்டு நின்றவர்களைச் சுட்டதில் எஸ்.சண்முகம் (நல்லூர் கிராம சபை ), கண்ணன் (ஆலய பூசகர்), குலேந்திரன் (உதவி அரச அதிபர் - கோப்பாய்) ஆகியோர் உயிரிழந்தார்கள். மேலும் ஐந்து பேர் காயமடைந்தனர்.